شبر شبر ..بيت بيت

شبر شبر ..
حني مجدنا بالدم موش بحبر ..
ومش شعودة وتدجيل وفوقه كبر ..
قوي باسنا وربي عطانا الصبر ..
حنا هدفنا حالفين دونه القبر ..
زيد قولها وهدد بشبر شبر


بيت بيت
تهدد وتهرب غير وين مشيت ..
ولى أصلك لليهود وليت ..
دمار ومجازر في الوطن خليت ..
تاخد جزاك وافي ورب البيت ..
زيد قولها وهدد ببيت بيت .

دار دار ..
جوك الاسود كلوك كيف النار ..
ثوار يفعلو ماهوش لعب صغار ..
جلو الغمام وزينو الانظار .. ...
بقوة عزمهم عالي وباسهم حار ..
زيد قولها وهدد بدار دار .

زنقة زنقة ..
صبرك شوية جاياتك خنقة ..
تنزل في حفرة ما علينا لاترقى ..
قرار شعبنا مختوم جي من برقة ..
وختمه عقيدة موش حبر وورقة ..
زيد قولها وهدد بزنقة زنقة .

فرد فرد ..
هبو عليك تريس كيف الورد ..
زاحو الظلم وعرفوك الجرذ ..
زئرو عليك قريب طاح الجرد ..
هارب بعد زحفان تمرد مرد ..
زيد قولها وهدد بفرد فرد .