الزاوية لن تنحني

الزاوية لن تنحني




قصيدة الزاوية - انشد كان تريد علوم


!!!

انـشـــد كـان تـريــد اعـلـوم

على بـلاد سـمـاح مرابـعـها

بـحـرهـا نـزهـه لـلـمـهـمـوم

وبـالخـيـر تجـود مـزارعـها

صـيـت عـربـها عـالـي دوم

ومنهـم عـيـبـه ما تسـمـعـهـا

عزيزة موش رخيصة سوم

ورزق الـدنـيـا ما يـطمـعهـا

هـبـت فــزعـه لـلـمـظـلـوم

اللي حاله ف برقـه واجعهـا

دارت فـي الـقـذافـي يــوم

وكسرت خشم اللي صارعها

دز لـها غــربـــان وبـــوم

انطلـقـن في كل شـوارعـهـا

عـم خـراب طيـور الشـوم

اللي هـدّن حــتـى جـامــعـهـا

لـم عـلـيـهــا ذيــول الـقـوم

وحـاصرها يـريـد يـجـوعـهـا

اعتصمت بالصبر وبالصوم

وهـاذيـنــا هــن طـبـايـعـهـا

صب عليها الشـر عـمـوم

لـكـن مـقــدرش يـركـّـعـهــا

لـلـذلـه مـا بـتــش اتــروم

وكتمت ف الصدر مواجعها

زادت فـوق الصبر عزوم

وحبست ف العيـن مدامعهـا

عـشمهـا ايحـن الله بـيـوم

وترفـع بالنصـر صوابعهـا


!!!